சென்னை, எழும்பூர் அரசு மகப்பேறு மருத்துவமனையில் தலைமை மருந்தாளுநராகப் பணியாற்றி, 6.10.26 அன்று விருப்ப ஓய்வு பெற்றுள்ளார் திருமதி P. வாசுகி அவர்கள் என்கிற தகவல், அவருடன் நான் அறிமுகமான நாட்களை நினைவுக்கு கொண்டுவருகிறது.
1995-ல் ஆயக்காரன்புலம் அரசு ஆரம்ப சுகாதார நிலையத்திலிருந்து மாறுதலில் வேதாரண்யம் அரசு மருத்துவமனைக்குச் சென்றபோது, ஆயக்காரன்புலம் திரு. G. பன்னீர்செல்வம் அவர்களுடனும், முத்துப்பேட்டை திருமதி P. வாசுகி அவர்களுடனும் பணியாற்றும் வாய்ப்புக் கிடைத்தது.
அவர்கள் இருவரோடு சேர்ந்துப் பணியாற்றிப் பெற்ற அனுபவம், எனது பணிக்காலத்தில் மற்ற இடங்களில் பணியாற்றுபவர்களுடன் நட்போடு பழகுவதற்கும், செய்யும் வேலையை நேர்த்தியாகச் செய்ய வேண்டும் என்பதற்கும் அடித்தளமாக அமைந்தது.
அன்றைய காலக்கட்டத்தில் பத்திரிகைகளுக்குத் துணுக்கு எழுதும் பழக்கம் என்னிடமிருந்தது. அதனைப் படித்து என்னை ஊக்கப்படுத்தியவர் திருமதி P. வாசுகி அவர்கள்.
எங்களது மகன் ‘அமைதி விரும்பி’-ஐ அவனது ஆறு வயதில் பார்த்தபோது, “அமைதியின் கண்கள் பிரகாசமாக இருக்கு, மிகச் சிறந்த இடத்தை அடைவான்!” என்று அன்று சொன்ன வார்த்தைகள், அமைதியின் முன்னேற்றத்தை நினைக்கும் போதெல்லாம் திருமதி P. வாசுகி அவர்களின் வார்த்தைகள் ஞாபகத்திற்கு வரும்.
தான் மட்டுமல்ல, தன்னுடன் பணியாற்றுபவர்களின் முன்னேற்றத்தில் மகிழ்ச்சியடையும் மனதினையும், நன்றி உணர்வையும் இயல்பிலேயே பெற்றவர் என்பது இங்கே குறிப்பிடத்தக்கது.
இவரது கணவர், ஓய்வுபெற்ற சுகாதார ஆய்வாளர் திரு. த. வீரையன் அவர்களும், அவர்களது மகளும் தமிழ்நாடு சுற்றுச்சூழல் மற்றும் காலநிலை இயக்குநரகத்தில் மாநில ஒருங்கிணைப்பாளராகப் பணியாற்றி வரும் திருமதி எழில் சீனிவாசன், M.Sc. (Entomology), ICMR அவர்களும், எங்களது குடும்பத்தில் ஒருவராக இன்றளவும் நட்போடு பயணிப்பவர்கள் என்பதை மகிழ்வுடன் பகிர்ந்துகொள்கிறேன்.
திருமதி P. வாசுகி அவர்கள் ஓய்வுகால வாழ்க்கையை குடும்பத்தினர் மற்றும் தனது பேத்தி கல்கியுடனும் மகிழ்ச்சியாகக் கழிக்க வேண்டும் என்று வாழ்த்துவதோடு💐, இயற்கையிடமும் வேண்டுகிறேன்🙏
