அமைதி அமைதி...!

'அமைதி'  இந்த வார்த்தைக்குத்தான் இன்று எத்தனை மவுசு.   எங்கள் வீட்டில்  தினந்தோறும் ஒலிக்கும் சொல்.  ஆனால், இன்று இந்தியாவே இந்த வார்த்தையின் அர்த்தத்தை வெவ்வேறு வார்த்தைகளில் உச்சரிக்கிறது. இந்நிலையில் எனக்கும் ஒரு பதிவு போடுவோம் என்கிற எண்ணம் வந்துவிட்டது. 


அலகாபாத்  உயர்நீதிமன்றத்தில் வரப்போகும் தீர்ப்பை நினைத்து நாடே கலங்கிப்போய் உள்ளது.  கடவுள், மதம் இது போன்ற விஷயங்களில் கருத்துச் சொல்வதை தவிர்த்து விடுவேன். இங்கேயும் அந்த விஷயங்களைப் பற்றி நான் எதுவும் தெரிவிக்க விரும்பவில்லை.


எது எப்படியோ இரண்டு பிரிவு தலைவர்களும் அமைதி காக்கும்படி அறிக்கை விட்டுக் கொண்டிருக்கிறார்கள்.இவர்கள் திடிரென இப்படி அறிக்கை விடுவதைப் பார்த்தால் இவர்கள் திருந்தி விட்டதாக தோன்றுகிறது.  திருந்தி விட்டார்களா அல்லது நடிக்கிறார்களா  என்பது தீர்ப்பு வந்த பிறகு தெரிந்து விடும். எதுவாக இருந்தாலும் அவர்களின் இந்த அறிக்கைகளை  நிச்சயமாக  நாம் ஒவ்வொருவரும் வரவேற்க வேண்டும்.

சாதகமாகத் தீர்ப்பு வந்தாலும், பாதகமாகத் தீர்ப்பு வந்தாலும் ஒரே மாதிரி மன நிலையில் எடுத்துக்கொள்ள வேண்டும் என்கிற உறுதியான நிலைப்பாட்டை தொடர்வார்கலேயானால், நாம் இந்தியர் என்று சொல்லிக் கொள்வதில் பெருமைப்பட்டுக் கொள்ளலாம்.


நாமும்,  நம்மால் முடிந்த வரை நாட்டில் எந்த விதமான விரும்பத்தகாத நிகழ்வுகளும் நடக்கக்கூடாது  என்கிற ஒரே சிந்தனையோடு எழுதுவோம், பேசுவோம். அதன்படியே நடப்போம்!
.